ഈ നീലജാലക വിടവിലൂടാര്‍ദ്രമായ്
പുലരികളണയുന്നതോര്‍മ്മയായ്
ചാരത്തുവന്നൊരാസ്വര്‍ണ്ണത്തിന്‍ നൂലിഴ
കവിളിണ തഴുകുന്നുകാലങ്ങളും....
ഓര്‍മ്മയില്‍ വര്‍ണ്ണമായ് മാരിവല്‍ രുപമായ്
മാനസം ചുബിച്ച മന്ദാരപുഷ്പമായ്....
ഏഴഴകുള്ളൊരാസ്വപ്നങ്ങളൊക്കയും
ഓര്‍മ്മകള്‍ ഒപ്പിയെടുത്തങ്ങുമാഞ്ഞുപോയ്
ഞാനെന്‍റെയുള്ളിലുംസ്വപ്നപഥത്തിലും
സ്നേഹത്തിന്‍ രൂപങ്ങളായി വരച്ചതും
നീയെന്ന ചിന്തയും ഞാനെന്ന രൂപവും
ജാലകപ്പടിയിലെ പൂവിതള്‍ പോലയായ്
വീണുകിടപ്പതുണ്ടോര്‍മ്മതന്‍മുറ്റത്ത്
നാമെന്നരണ്ടിതള്‍പൂക്കളിന്‍ സൗരഭ്യം
കാറ്റുപകത്തതും നീരില്‍ലയിച്ചതും
നാമെന്നൊരോര്‍മ്മയായ് ജാലകം കണ്ടിടും
ഈ നിലാവെട്ടത്തില്‍ പാലതന്‍ ചോട്ടിലായ്
ഇന്ദ്രയം മായികലോകങ്ങള്‍തീര്‍ക്കവേ
നാമൊന്നു ചോര്‍ന്നൊരീയാമങ്ങള്‍ പുല്‍കിടും
ആകാശഗോപുരക്കോലയിലെത്തിടും
പൂമണം വീശിയാഓര്‍മ്മകളെത്തെവേ
താരകം മായത്തയാമത്തിന്‍ തേരേറി
നാമണഞ്ഞീടുമീ നീലനഭസ്സതില്‍
ഈ നീലജാലകപ്പടിയില്‍ മയങ്ങുവാന്‍
ഓര്‍മ്മയുറങ്ങാത്തൊരോടമായെത്തിടും
നീലവെളിച്ചമായ് വീണുലയിച്ചിടും.....
അത്രമേല്‍ ഓര്‍മ്മയില്‍ ഈ നീലജാലകം
പുലരികള്‍ വിരിയുന്നതറിയിച്ച ജാലകം
..........അഭിലാഷ്........
No comments:
Post a Comment