കനവായ് കണ്ട വാതില്‍ പഴുതിലൂടെ
മൃദുവായ് ചാരെയണയും നാളമേ...
നീയും എന്‍റെ പാട്ടിന്‍ ഈണം തേടിയോ
രാവില്‍ ചായുറങ്ങാനെന്‍ മാറില്‍ ചേര്‍ന്നുവോ.....
പ്രണയം പൂത്തു വിടരും രാവിന്‍ പാതിയില്‍...
അകലേ ഓടിമറയാതോര്‍മ്മയഴകേ....
ഇനിയെന്‍ കണ്‍കളില്‍ തെളിയും നിന്‍ മുഖം
മനസ്സിന്‍റെ മറനീക്കി വിടചൊല്ലിയോ....
പുലരിയില്‍ പൂക്കളില്‍ വീഴും മഞ്ഞില്‍
മധുരമാ മധുകണം കിളകള്‍ നുണയേ...
ഹൃദയമൊരു കുഞ്ഞായ് മിഴികളെറിയുബോള്‍
മനസ്സിലാ നിമിഷം മധുരമണയുന്നു....
അകലെമറയുന്നു അരുണകിരണങ്ങള്‍
ഇരുളുതിരയുന്നു മറവില്‍ മറയാനായ്...
ഞാനെന്നിലേ നീയാകവേ
നിനവായി ഒരുമാത്ര അണയില്ലയോ.....
കനവായ് കണ്ട വാതില്‍ പഴുതിലൂടെ
മൃദുവായ് ചാരെയണയും നാളമേ...
നീയും എന്‍റെ പാട്ടിന്‍ ഈണം തേടിയോ
രാവില്‍ ചായുറങ്ങാനെന്‍ മാറില്‍ ചേര്‍ന്നുവോ.....
........അഭിലാഷ്.....
No comments:
Post a Comment