ചിത്രഗുപ്തന് ഒരു വാക്ക്

അശാന്തമാണ് മനസ്സ്. ഉള്ളിലെ നെരിപ്പോടിൽ ഉമിയായ് നീറുന്നുണ്ട് പലതും. പശ്ചാത്താപം ഒന്നിനും ഒരു പ്രതിവിധിയായ് തോന്നുന്നില്ല. ദൈവത്തിൻെറ മുന്നിലെ വിലകുറഞ്ഞ ആ നാണയത്തിന് ജീവിതത്തിലിനി സമാധാനം എന്ന രൂപത്തെ പതിക്കാൻ ആകയില്ല. പുറത്തെ തണുപ്പിനെ അകത്തെ തീച്ചൂള നിഷ്ഭലമാകുകയാണ്. തുടിപ്പ് നിലച്ച ഹൃദയത്തിൽ ഗതികിട്ടാത്ത രക്തത്തുള്ളികൾ കരിനിറം പ്രാപിച്ച് കിടപ്പുണ്ടാകാം. ഓരോ അരിമണിയിലും അർഹതപ്പെട്ടവൻെറ പേര് കൊത്തിവച്ചിരിക്കുന്നു എന്ന മഹത് വചനങ്ങൾ കാറ്റിൽ പറത്തിയവന് കാലയവനിക ഒരുക്കിയ നിത്യ ബന്ദനം. കഴുത്തിലെ കാണാത്ത കുരുക്ക് ദിനം പ്രതി സ്വയം വലിച്ചു മുറുക്കുകയാണ്. അനിവാര്യമായ മരണത്തിൻെറ ആദ്യ സ്പർശം അറിയാതെ പോയവരിൽ ഞാനും പേർ ചേർക്കയാണ്. ചിത്രഗുപ്തൻെറ പൊൻ താളുകളിൽ എൻെറ കണക്കിൻെറ പട്ടിക.... ഒരു കാവ്യം പോൽ ഭംഗിയാക്കാൻ കഴിയാതെ പോയവനാണ് ഞാൻ. ഇനിയൊരു മറു പിറവി.., അസാദ്യമല്ലങ്കിൽ ചിത്രഗുപ്ത നൽകയെനിക്ക് എല്ലാം ഒന്നേ എന്ന് തുടങ്ങാൻ... ചെയ്ത തെറ്റുകളുടെ പട്ടികയിലൂടെ നടന്ന് ഒന്നൊന്നായ് തിരുത്തിയെഴുതി... നിന്നിലേക്ക്.. ഉടലോടെ എത്തിച്ചേരാൻ. ഈ ജന്മത്തിന് മറു ജന്മം കൊണ്ടൊരു മറുപിടി. ഒടുങ്ങാത്ത ആഗ്രഹങ്ങളുടെ അനന്തമായ പട്ടികയിൽ ഇടം കിട്ടാതെ പോയ ഒരേ ഒരു ചിന്ത. കാലത്തിൻെറ കാവലാളോ , ചിത്രഗുപ്തനോ കാണാതെ പോകാതിരിക്കിട്ടെ, മനസ്സിൽ കുറിച്ചിടാൻ മറന്നതേൊ വിധി മനപ്പൂർവ്വം മറച്ചതോ ആയ അവശേഷിക്കുന്ന എന്നിലെ ആ നല്ല ചിന്തകളെ. ഒരു വിളിപ്പാടകലെ ഞാൻ കേൾക്കുന്നുണ്ട് എനിക്കായ് ഉയരുന്ന മരണത്തിൻെറ ശംഖൊലി. ബാക്കിയാകുന്ന നിമിഷങ്ങളലെങ്കിലും മനസ്സിൽ നന്മയെ ഊട്ടി ഉറക്കണം. ചെയ്യാതെ പോയ അറിയാതെ പോയ നല്ല കാര്യങ്ങൾ ചെയ്ത് നല്ല നിമിഷങ്ങളിലൂടെ യാത്രയായ് കാലം കുറിച്ച പട്ടികയുടെ അവസാന താളുകളെങ്കിലും ധന്യമാക്കണം, വർണ്ണ ശബളമാക്കണം...! മറു പുറവി കൊതിക്കുന്ന മനസ്സുമായ് ചിറകടിച്ച് ചേക്കേറണം. ചിത്രഗുപ്തൻെറ കണക്കു പുസ്തകം ഇതെങ്കിലും കാണട്ടെ...കാണാതെ പോകാതിരിക്കട്ടെ....

........അഭിലാഷ്........