6 June 2014 at 09:35
നീർക്കുമിളകൾ പോൽ ആയിരുന്നു എൻെറ ആഗ്രഹങ്ങൾ , അല്പ പ്രാണനായ് ജനിക്കും ക്ഷണ മാത്രയിൽ മരണമടയും. ചിലപ്പോഴെല്ലാം ജനിയുടെ മടിയിൽ തന്നെ തലചായ്ച്ച് അവൻ ഉറങ്ങും. പക്ഷേ അവ സുന്ദരമായ കാഴ്ചകളാണ് എനിക്ക് സമ്മാനിക്കാറുള്ളത് . കുറേയേറെ സുന്ദരമായ ജീവിത വീക്ഷണങ്ങളൾ നൽകിയതിനൊപ്പം മുന്നോട്ടുള്ള ജീവിത വേഗതക്ക് ആക്കം കൂട്ടുവാനും അവയ്ക്കു കഴിഞ്ഞു. പ്രാരംഭത്തിൽ തന്നെ കൊഴിഞ്ഞു വീണ ചിലത് പഴുത്തിലയായ് മറ്റുള്ളവയെ നോക്കി വിതുബുന്നുണ്ടാവും. ഇനിയും മുള പൊട്ടിയിട്ടില്ലാത്ത നൂറു നൂറു പച്ചിലകളായ് ചിലർ ഉള്ളിലിരുന്ന് വീണ പഴുത്തിലകളെ നോക്കി ചിരിതൂകുന്നുമുണ്ടാകാം.! എന്നിരുന്നാലും സുഖമുള്ള നോവുകളും ഓർമ്മകളുമായ് അവ ഉള്ളിൽ അങ്ങനെ വർണ്ണക്കാഴ്ചകൾ മെനയുകയാണ്. നാളെ എന്ന നശ്വരതക്ക് ഉടലും മനസ്സും ചേർന്ന് രൂപം കൊടുത്ത സുന്ദരമായ കാൽപ്പനികത, ആഗ്രഹങ്ങൾ... ആദ്യമായ് ഞാൻ കണ്ട മാരിവില്ലിനും, പുൽ നാബിലെ പനിനീർ തുള്ളികൾക്കും, ഭൂമിയിലെ ഓരോ സുന്ദര കാഴ്ചകൾക്കും വർണ്ണം പകർന്ന മനസ്സിൻെറ സുന്ദര സൃഷ്ടി. ഒരു പക്ഷേ അവയില്ലായിരുന്നെങ്കിൽ ഞാൻ കണ്ട കാഴ്ചകളെല്ലാം വർണ്ണ രഹിതമായേനേ.. ആഗ്രഹങ്ങൾക്ക് നന്ദി , നിങ്ങളോടുള്ള കടപ്പാട് പറഞ്ഞറിയിക്കാൻ കഴിയാത്തത്ര വലുതാണ്. മൃതിയടഞ്ഞ ഒരു കുന്നോളം പോന്ന ആഗ്രഹങ്ങൾ എന്നിൽ ജന്മം കൊണ്ടിട്ടുണ്ട്. പക്ഷേ, വിഷാദത്തിൻെറ മിഴിക്കുടങ്ങളുമായി അവ എൻെറ കവിളുകളിൽ വീണൊഴുകിയട്ടില്ല. ആയിരം സൂര്യ ചന്ദ്രൻമാർ ഒന്നിച്ച് ഉദിച്ചുയർന്ന കാന്തിയുമായി പുത്തൻ ആഗ്രഹങ്ങൾ വിഷാദങ്ങളെ മുളയിലെ നുള്ളി എൻെറ ചൊടികളിൽ ശോഭയായ് പടർന്നു. ആഗ്രഹങ്ങളുടെ ചെപ്പ് ആയിരമായിരം പൊന്നോമനകളുടെ, കുഞ്ഞൻ ആഗ്രഹങ്ങങ്ങളുടെ അമ്മയായ് മനസ്സിൽ ഇന്നും നിലനിൽക്കുകയാണ്. മനസ്സിൻെറ മടിയിൽ പുത്തൻ കൈക്കുഞ്ഞുങ്ങളെ പെറ്റിട്ട് അവൾ എന്നെ വീണ്ടും അനന്ദമണിയിക്കുകയാണ്. അവൾക്ക നന്ദി....!!! അൽപ്പനാൾ ഇനി അവൾ വിശ്രമിക്കട്ടെ.... ഞാൻ പുത്തൻ ആഗ്രഹങ്ങൾ വിരിയിക്കാനുള്ള എൻെറ ആഗ്രഹങ്ങളെ അടക്കുകയാണ്....!!
സുപ്രഭാതം
.........അഭിലാഷ് .....
സുപ്രഭാതം
.........അഭിലാഷ് .....
No comments:
Post a Comment