ഉരുളാന്‍ മറന്നൊരീ കാലത്തിന്‍ കൈകളില്‍
ചുരുളാന്‍ മറന്നു കിടപ്പതെന്‍ പൂവുടല്‍
പണിയാം ഉത്തരപ്പലകതന്‍ മാറിലൊരു
വളയമെന്‍ അരയിലെ കസവിന്‍റെ ഞൊറികളാല്‍
വീണുഞെരിയാം തൂങ്ങിയാടിച്ചലിച്ചിട്ട്
മറവിയില്‍ മറയും ശ്വാസരേണുക്കളെ
വിറയാര്‍ന്ന കൈകളാല്‍ നെഞ്ചോടു ചേര്‍ത്തിടാം
സമയം അളക്കുമാ ചില്ലിട്ട കൂട്ടിലെ
ആന്ദോലനത്തിനനുരൂപനായ് മാറിടാം
ഉലയില്‍ പുഴുങ്ങുമെന്നുടലിനെ ബദ്ധുക്കള-
തിന്‍ മുന്‍പൊരുമാത്ര തൂശന്‍റെ തുബില്‍ക്കി-
ടത്തിയട്ടൊരുനുള്ളു പൂവെടുത്തതു-
മൂന്നുഴിഞ്ഞിട്ട് മിഴിനീര്‍കണം ചേര്‍ത്ത-
തിനേ പുതപ്പാക്കിയെന്‍ ഉടലില്‍ വച്ചി-
ട്ടെടുക്കുമെന്‍ ചേതനയറ്റൊരുടലാ
തെക്കേപ്പറബിലേക്കൊരു കുഞ്ഞു -
പുകയുന്ന കട്ടിലില്‍ കിടത്തിയിട്ടൂ -
തിയുരുക്കുമെന്‍ ഓര്‍മ്മകള്‍ ദൂരേ-
ക്കകലും വരെ കൂട്ടിരിക്കുമൊരുനാള്‍
കറുക നാബുകോര്‍ത്തവിരലിന്‍റെ
തുബിനാല്‍ ചോറൂട്ടിയോര്‍മ്മതന്‍
ഇലച്ചാര്‍ത്തിലൊരു നുള്ളു തീര്‍ത്ഥം
തളിച്ചട്ടതിനാല്‍ വീണ്ടും മറവിതന്‍
ചുടലയില്‍ വച്ചെന്നെയെരിക്കും
വീണ്ടുമൊരുനാള്‍ വരും ദിനമോര്‍ത്തിരിക്കും
ഒരു മാത്രകൂടിയാ കൊടിയ പാതകത്തി
നണയുന്ന സുദിനത്തിലിനിയും
കൈകൊട്ടലിന്‍ താളവും പേറിയാ
ബലിയെന്ന പേരുള്ള ചോറിനായ്
ക്ഷണനം നടത്തുമെന്നപരനാം
ഇരുളിന്‍റെ നിറമുള്ള തോഴനെ
അവനായ് കൊടുക്കുന്ന രണ്ടിറ്റു വറ്റതില്‍
എനിക്കായ് കരുതിയ സ്നേഹത്തിന്‍
മണികളില്ലതിലെന്‍ കണ്ണു നീര്‍
തുള്ളികള്‍ പേറുന്ന മനസ്സിലൊന്നെങ്കി-
ലുമുണ്ടെങ്കിലെന്‍ ജീവന്‍ ധന്യമായ്
തീര്‍ന്നിടും ചെന്നു ഞാന്‍ ചേര്‍ന്നിടും
പരലോക പര്‍വ്വത്തിലുടലോടെയല്ലങ്കി-
ലുടലില്ലാ രൂപമായ് പുകപോലെ
മഴപോലെ കാറ്റിന്‍റ കൈപോലെ...
നിറമില്ലാ മണമില്ലാ പൂവിന്‍റയഴകോടെ.!
......അഭിലാഷ്.......
No comments:
Post a Comment