പുണ്യം

ഇനിയൊരു പുലരി നിറമുള്ളതാക്കാൻ
ഇനിയുള്ള നാളുകൾ ഓർമ്മയിൽ കാണാൻ
മലരുകൾ വീണൊരാ പാതകൾ താണ്ടിയാ-
മതിലകം ചേരണം ബാല്യത്തിലെത്തണം

പതിവുകൾ മാറ്റിയെൻ പുലരികൾ വാഴണം
പതിവിലും ഭംഗിയായ് രാവൊന്നുറങ്ങണം
നിറമുള്ള ചിന്തയാൽ ഹൃദയത്തിനുള്ളകം
നീർമണി നൈർമല്യമാക്കേണം..
നീർ മണി നൈർമല്യമാക്കേണം...

ചിരിയൊന്നെടുക്കണം ചുണ്ടിൽ വിരിക്കണം
ചിരകാല ബദ്ധങ്ങൾ ഊട്ടിയുറക്കണം
ഹൃദയത്തിൻ ഭാഷയിൽ മൃദു വാർത്ത മൊഴിയണം
അകലത്തായ് മാഞ്ഞതെല്ലാം തോളോട് ചേർക്കണം.
ചേർന്നൊന്നു നിൽക്കണം, തോളോട് ചായണം

ബാല്യമേ നീയൊത്തു ബാക്കി നടക്കണം...
ജീവത പാതകൾ പിന്നിട്ട് നീങ്ങണം...
ആർദ്രമാം ചിന്തയാൽ മുന്നോട്ട് നീങ്ങണം...
കാണാതിരുന്നൊരാ നൻമതൻ നീർമണി
കൈക്കുബിളിൽ കോരി ചുണ്ടാൽ നുണയണം
ചെയ്തൊരാ പാപങ്ങളെല്ലാം മറക്കണം...

അമ്മതൻ കൈകൾക്ക് താങ്ങായി മാറണം
അച്ഛൻെറ തോളിൽ സ്നേഹമായ് തൂങ്ങണം...
ഏട്ടൻെറ വാക്കിലെ നൻമകൾ കാണണം
കൂട്ടിൻെറ നൻമ കരങ്ങൾ പിടിക്കണം...
പിന്നെയും പോകണം ഭൂമിയിൽ ചേരണം, എൻ
കുഞ്ഞിൻെറ കൈയ്യിലെ ചുള്ളികൾ താങ്ങണം....
തെക്കിനി കോലയിൽ കൈകൊട്ടു കാതാേർത്ത്
ഉമ്മറ ചില്ലയിൽ ചിറകായ് മാറണം...
ജന്മത്തിലിത്തിരി പുണ്യം ചുമക്കണം
എൻെറ.... ജന്മത്തിലിത്തിരി പുണ്യം ചുമക്കണം...!

.........അഭിലാഷ് ......