.jpg)
ഉടലെടുക്കും മുന്‍പ് കടലെടുത്തു വരികള്‍ കണക്കെ സൗഹൃദം. വാക്കുകള്‍ തന്‍ ആനന്ദധാര വീണുടഞ്ഞ മണ്‍പാത്രം കണക്കെ വികൃതമായ് എങ്ങോ പോയ് മറഞ്ഞിരിക്കുന്നു. കാലത്തിനുണക്കാന്‍ കഴിയാത്ത മുറിവുകള്‍ ഭൂമിയിലില്ലെന്ന സത്യം പിടിച്ചു നിര്‍ത്തുന്ന മര്‍ത്യ ജീവനിലൊരംശം ഞാനും. മുഖപുസ്തകങ്ങളുടെ താളുകളില്‍ നിറഞ്ഞാടാന്‍ കാപട്യത്തിന്‍റെ ചായങ്ങള്‍ കൈയ്യില്‍ കരുതാന്‍ മറന്ന ജീവിത നാടകത്തിലെ പ്രതിഭ മങ്ങിയ നടന്‍. ഗ്രീക്ക് ദുരന്ത നാടക സ്രഷ്ടാവ് അക്വലിസിന്‍ വിരല്‍ തുബിനാല്‍ എഴുതുകയാണ് ഇന്ന് ഞാനെന്‍റെ ജീവിതം. ഇവിടെ മനസ്സുകളില്‍ നേര്‍ത്ത കള്ളങ്ങളിന്‍ പൊടിപടലങ്ങളുണ്ട്, കാപട്യത്തിന്‍ നിഷ്ക്രിയ ധൂമപാനികള്‍. ഓരോ ശ്വാസ തന്മാത്രകളിലും അവിശ്വാസത്തിന്‍റെ ഇരുള്‍ കണങ്ങളുണ്ട്. കീറിമുറിച്ചൊരു പരിശോദന അസാദ്യം. പുറം മൂടിയുടെ സുന്ദരതകൊണ്ട് ഉള്ളിലെ നന്മ തിന്മകള്‍ തിരിച്ചറിയാന്‍ കഴിയാത്തതിനാല്‍ തെല്ലൊന്നു മാറി ചിന്തിക്കാന്‍ കഴിയാതെ പോയവര്‍. സമയം കളയാന്‍ മാത്രം സുഹൃത്തെന്ന നാമധേയം നേടി കൈവിരല്‍ ചേര്‍ത്തു കൂടെ നിന്നവര്‍. എങ്കിലും ഉള്ളില്‍ നന്മയുടെ നിറകുടമുള്ളവരും ഭൂമിയില്‍ ബാക്കിയുണ്ട്, പിരിഞ്ഞവരിലും ഇനിയും കൊഴിയാതെ കൂട്ടിനുള്ളവരിലും.
സൗഹൃദ സബത്തില്‍ നിന്നും ഞാന്‍ ആര്‍ജ്ജിച്ച ഇത്തിരിയോളം പോന്ന പദസബത്ത് മറിഞ്ഞ താളുകളിൽ നിന്നും മനസ്സില്‍ പതിഞ്ഞ വരികൾ നല്‍കിയതുമായ് ചേര്‍ന്നു തീര്‍ത്ത വിരല്‍ തുബിലെ വര്‍ണ്ണം മാത്രമാണ് സമയം കളയാനല്ലാതെ കൂട്ടിരുന്ന യഥാര്‍തഥ കൂട്ടുകാരന്‍. അവന് നല്‍കാന്‍ ഈ ജീവിതത്തിലെ ഇടവേളകള്‍ ഞാന്‍ മാറ്റി വയ്ക്കുകയാണ്. ഒരു കൂട്ടം നല്ല പുസ്തങ്ങളും മഷിത്തണ്ടും വിരലിലെ ജാല വിധ്യയും മാത്രമാണിന്നെന്‍റെ കൂട്ടുകാര്‍, തിരിച്ചറിയാന്‍ ഞാന്‍ വൈകിയ കൂട്ടുകാര്‍. രാപ്പകലിന്‍റെ വ്യത്യാസങ്ങള്‍ മറന്ന് എനിക്ക് കൂട്ടിരുന്നവര്‍ എനിക്കു ചുറ്റിനും ഉള്ള നിത്യ ഹരിതയായ നന്മ മരങ്ങള്‍. അവരുടെ വിരല്‍ തുബില്‍ തൂങ്ങിയാടി അവരില്‍ നല്ലൊരു അച്ചനമ്മമാരുടെ ലാളന നുകര്‍ന്ന് നടക്കണം, ഒരേട്ടന്‍റ മേല്‍നേട്ടമുള്ള അനുജനായ് , ചേച്ചിയുടെ സ്നേഹ സ്പര്‍ശം നുകര്‍ന്ന്,അനുജത്തിയുടെ ചിണുങ്ങലുകള്‍ക്ക് കാതോര്‍ത്ത്, കാമുകിയുടെ കൈതലോടലിലെ സുഖമറിഞ്ഞ്, ഇരുളിലും ഇരവിലും കൂട്ടിനുള്ള സുഹൃത്തിന്‍റെ തോളുതൂങ്ങുവാനും അവര്‍ എനിക്കുമാത്രമായ് കൂടെയുണ്ട്. എന്‍റെ നല്ല സുഹൃത്തുക്കള്‍. തിരിച്ചറിവ് തിരിച്ചു തന്ന കൂട്ടുകാര്‍ക്ക് ബാക്കി ജീവിതം മാറ്റിവക്കാം.!
......അഭിലാഷ്.......
No comments:
Post a Comment