കടലാസു തോണികള്‍ ഒഴുകുമാ മുറ്റത്തു
കളിവീടു തീര്‍ത്തൊരെന്‍ ബാല്യം
മധുമാസരാവിന്‍റെ ഇരുളിലെപ്പഴുതിലൂടൊ-
രുമാത്രയെത്തിനോക്കുന്നു.
ചുണ്ടിലൊരു ചിരിതന്നു ചുംബനക്കുളിര്‍തന്നു
കുഞ്ഞുകാല്‍പ്പാടുകള്‍ തന്നു...
മഞ്ഞുമണി വീണൊരാ കുഞ്ഞുതൊടി-
യോരത്തു തുബികളെയെത്തിതൊടുന്നു...
ഇത്തിരിമുറ്റത്തു വട്ടം കറങ്ങുന്നു
വേച്ചു നിലതെറ്റിമറിയുന്നു....
വേച്ചു നിലതെറ്റിമറിയുന്നു....
സായന്തനത്തിലെ ദീപത്തിന്‍ വെട്ടത്തില്‍
അബാട്ടി കുബിട്ട കൈകള്‍
ചേര്‍ത്തുവച്ചെന്ന മടിയിലിരുത്തിയോ-
രമ്മമുഖമോടെത്തുകണ്ടു...
രാമജപമന്ത്രങ്ങള്‍ സായാഹ്ന സൗന്ദര്യം
കൂമന്‍റെ ഈരടിയുമാനന്ദസമ്മിശ്രം
നാരായമുനയിലൂടൊഴുകിയകലുന്നൊരാ
എണ്ണതന്‍ കൗതുക കാഴ്ചയും സുന്ദരം
ഇരുള്‍വീണതൊടിയിലെ കരിനിറക്കൂട്ടില്‍നിന്നൊ-
ളികണ്ണെറിഞ്ഞൊരാ കൂട്ടവും സുന്ദരം
വാനത്തുമിന്നിയ താരക ചെക്കന്‍റെ
ഇടയിലൂടൊടിയാ വാലുള്ള കള്ളനും
അമ്മൂമ്മതന്‍റെയാ താബൂലച്ചെപ്പിലെ
നെടുനീളനിലയിലെനിറമതും സുന്ദരം...
സുന്ദരം സന്ധ്യതന്‍ സിന്ദൂരവര്‍ണ്ണവും
ജന്മവും ജന്മത്തിലീസ്വല്‍പ്പകാലവും
മധുമാസരാവിന്‍റെ മടിയിലെ കാഴ്ചയും
അതുമായി വന്നൊരാ സ്വപ്നവും സുന്ദരം
അതുമായി വന്നൊരാ സ്വപ്നവും സുന്ദരം....!
.........അഭിലാഷ്.........
No comments:
Post a Comment