ഒരിക്കലെന്‍റെ ഓര്‍മ്മകള്‍
ഈ നിര്‍ജീവമാം ഉടലില്‍ നിന്ന് പുറത്തെത്തും,
കുഞ്ഞിച്ചിറകടിച്ച് നിന്നിലേക്ക് പറന്നകലും.
ഒരിക്കലെന്‍റെ ചേതന
നിന്‍റെ കാതില്‍ മന്ത്രിക്കം,
മരം കോച്ചും തണുപ്പിലൊരു
തീപ്പുതപ്പായ് പൊതിഞ്ഞിടുന്ന വാക്കുകള്‍.
ഒരിക്കലെന്‍റെ കാലുകള്‍
യുവത്വമാര്‍ന്നു നീങ്ങിടും,
ഇന്ധനം വാര്‍ന്ന ശകടത്തിലെ
അന്ത്യമാം പദങ്ങളായ് നിന്നിലേക്കടുക്കുവാന്‍.
ഒരിക്കലെന്‍റെ കണ്ണുകള്‍
നിറഞ്ഞു തുളുബാന്‍ മറന്നിടും,
നീ അടുത്തിരുന്നതിനായ്
അവിരാമമലയടിച്ചു കരഞ്ഞിടുബോള്‍.
എന്‍ തുടിപ്പകന്ന നെഞ്ചില്‍ നോക്കി
നീ നിന്‍ നെഞ്ചിലാഞ്ഞു തല്ലിടും.
ഒരിക്കലെന്‍റെ കൈത്തണ്ട കൊഴഞ്ഞിടും
നിന്നെ ചേര്‍ത്തു നിര്‍ത്തിയൊന്നു പുല്‍കിടാന്‍,
അടുത്തി നിര്‍ത്തി ആ
മുടിയിഴക്കകത്തുകൈകളാല്‍ തഴുകിടാന്‍.
ഒരിക്കലെന്‍റെ ചെന്‍ ചുണ്ടുകള്‍
വരണ്ടുണങ്ങിയുറങ്ങിടും,
നിനക്കു നെറ്റിയില്‍ നല്‍കുവാന്‍
മറന്ന ചുബനമോര്‍ത്തതില്‍.
ഒരിക്കലെന്‍റെ പ്രാണനകന്നിടും
അതിന്നുമുന്നെയൊരു വാക്കിതാ,
തുടുത്ത ചുണ്ടുകള്‍ കൊണ്ടുനീ എന്‍
ശ്വാസമെടുത്തപറന്നൊന്നു പോകുമോ...!
.............അഭിലാഷ്............
No comments:
Post a Comment