ഞാന്‍ ഇളംകാറ്റാകാം
നീ എന്‍റെ കൈകളിലേ മലര്‍മണമാകുക....
ഞാന്‍ കോളാകാം
നീ എന്നില്‍ താണ്ഡവനടനമാകും കാറായ് മാറുക...
ഞാന്‍ പക്ഷിയായ് ഉയര്‍ന്നു പറക്കാം
നീ എനിക്ക് ചുംബിക്കാന്‍ അംബരമായ് ഉയര്‍ന്നു നില്‍ക്കുക....
ഞാന്‍ നിലാവാകാം
നീ എനിക്ക് മാറ്റുകൂട്ടും താരകക്കൂട്ടമായ് മാറുക....
ഞാന്‍ സന്ധ്യയാകം
നീ എന്‍റെ മാറിലൊരു കുഞ്ഞു
കൈത്തിരിയാകുക....
ഞാന്‍ മേഘശകലമാകാം
നീ എന്നില്‍ നിറയും ജലകുംഭമാകുക...
ഞാന്‍ അരുണനാകാം
നീ പടിഞ്ഞാറേ ചക്രവാളമാകുക....
ഞാന്‍ അവിടേക്ക് പറന്നടുക്കും കിളകളാകാം
നീ എനിക്ക് ചേക്കേറാന്‍ മരമായ് ഉയര്‍ന്നു നില്‍ക്കുക.....
ഞാന്‍ പുല്‍നാബായ് മണ്ണിലെത്താം
നീ എന്നില്‍ വീണുറങ്ങും പനിനീര്‍കണങ്ങളാകുക....
ഞാന്‍ വണ്ടായ് പറന്നടുക്കാം
നീ പൂവായ് വിരിഞ്ഞു നില്‍ക്ക, നിന്‍റെ കാതിലൊരു കവിതമൂളി ഒരുചുബനത്താല്‍ ഉണര്‍ത്തി ഞാന്‍ നിന്നേ ചുറ്റിപ്പറക്കാം...
ഞാന്‍ പുതപ്പായ് നിന്നെമൂടാം
ഒരുകിനാവായ് നീ എന്നെ തഴുകുക...
ഞാന്‍ ശിശിരമായ് പെയ്തിറങ്ങാം
നീ കുളിരായ് കൂട്ടിനെത്ത്....
ഞാന്‍ കുന്നായ് ഉയര്‍ന്നു നില്‍ക്കാം
നീ അര്‍ക്കനായ് എത്തിയെന്നെ ഉമ്മവയ്ക്ക്...
ഞാന്‍ ചിരിതൂകും പൈതലാകാം
നീ മാതവായ് കവിളില്‍ ഉമ്മനല്‍ക്....
ഞാനൊരേട്ടനായ് ചേര്‍ത്തുനിര്‍ത്താം
നീയെന്‍റെ കുഞ്ഞിപ്പെങ്ങളാക്....
ഞാന്‍ നിന്‍റെ കണ്ഡത്തില്‍ തൂങ്ങിയാടും കുഞ്ഞിമാലയാകാം
നീ എന്‍റെ ഭാര്യയായ് ചേര്‍ന്നു നില്‍ക്ക്...
ഞാന്‍ ഒരഗ്നിയായ് മാറിടുബോള്‍
നീ എന്നെയോര്‍ത്തു തേങ്ങാതെ യാത്രനല്‍ക്...
ഞാന്‍ വിതുബാത്ത മോഹമാകാം
നീ അതായെന്നെ ധന്യനാക്ക്...
ഞാന്‍ ഒരോര്‍മ്മയായ് മാറിടാതെ നിന്‍ മനസ്സിലൊരു നോവിടാതെ ദൂരെയെങ്ങോ മറഞ്ഞിടുന്ന കാലചക്രത്തിന്‍ ഭാഗമാകാം...
നീ അതോര്‍ക്കാത്ത ഭാവിയാക് ഞാന്‍ അറിയാത്ത എന്‍ ഭാഗമാക്...
ആ നിമിഷമെന്‍റെ ജന്മം നൂറു സൂര്യനുദിച്ചസത്യം
നീ ചിരിക്കുന്നകണ്ടുനില്‍ക്കും താരകത്തിലെ കണ്ണുചിമ്മല്‍ ഞാനതുമായി നിന്നൊപ്പമുണ്ട്...
നാടു നീങ്ങാതെ നിന്‍ കൂട്ടിനുണ്ട്....!
..........അഭിലാഷ്........
No comments:
Post a Comment