വിരഹമൊരുപുഴപോലെയൊഴുകുമെന്‍
നുരചിതറിയ മാനസങ്ങളെടുത്തകലെ
ഇരുളുപതിച്ചതിനിടയിലൊരുമോഹം
മെഴുകുപോലെന്‍ നെഞ്ചിലൊട്ടും വട്ടം
ഒരോളമായ്‌വന്നതുമെടുത്തകലെ-
മറയും കിനാവിന്‍റെ നേര്‍ത്ത സ്പര്‍ശം
ആരുമറിയാതെന്‍റെയുള്ളിലായിരം
ജന്മം കാത്തുവച്ചൊരാ സ്വപ്നം
മഴനിലാവിന്‍ മനസ്സുപോല്‍
പൂവിട്ടുലഞ്ഞൊരാ മോഹം
യാത്രയാവും യാനത്തിലത്തിനോക്കും
മഞ്ഞുകാറ്റിന്‍റെയാകുഞ്ഞു നോട്ടം....
വട്ടമിട്ടൊന്നു തൊട്ടുനില്‍ക്കുവാന്‍
എത്രവട്ടമെന്‍കാതിലോതിയ കുഞ്ഞുമോഹം
ഓര്‍ത്തുപോകുമെന്‍റെ കുഞ്ഞുനെഞ്ചം
ചേര്ത്തുനിര്ത്തിയാകവിള്മുത്
മാരിവില്ലിന്‍റെ ശോഭമായ്ക്കും
മായികപ്പൂവിന്‍റെ ലാസ്യവര്‍ണ്ണം
മാന്‍കിടാവിന്‍റ കണ്ണുപോലെ
കൂബിനില്ക്കുന്നൊരാകുഞ്ഞുപെണ്
ചാന്തുതൊട്ടൊര നെറ്റിമേലെ
ചുണ്ടുകൊണ്ടൊന്നു കളംവരക്കാന്‍
മോഹമായ്വന്നൊരാകുഞ്ഞുനെഞ്ചില
കൂടുകൂട്ടും കുഞ്ഞു പക്ഷിയാകാന്‍
മോഹമൊരുചിറകുതന്നപറവഞാന്‍
നിന്‍ മാറിനുള്ളിലൊരുചിറകടി താളമാകാന്‍
പൂനിലാവീണകുഞ്ഞുമുറ്റം
ഞാന്‍ നടന്നൊരെന്‍ ബാല്യമോര്‍മ്മമാത്രം
പൂവറത്തൊരാ പൂമുഖത്തെ
നേര്‍ത്ത ചെബകച്ചോട്ടിലെത്തി
കുഞ്ഞുകാറ്റിന്‍ കൈയ്യിലാടും
പൂമണത്തെയൊന്നു സ്വന്തമാക്കാന്‍
മോഹമെന്‍റേതുമാത്രമല്ലോ.....
മോഹമെന്‍റേതുമാത്രമെത്ര
മേഹമായ്തന്നെ മാഞ്ഞുപോയി
മാറിവന്നൊരാകാലചക്രം
കൊണ്ടുപോയെത്ര കുഞ്ഞുമോഹം
ഇനിയുമെത്താത്തെത്ര രാവിന്‍
നെറുകിലെത്തിഞാന്‍ തൊട്ടുനോക്കും
മോഹമെന്‍റേതു മാത്രമാവും
നാളതിലെന്‍റെ മനസ്സുറങ്ങും.....
രാവിതെത്രയെന്‍ മുന്നിലെത്തി
രാവിലേറിയെത്രയോര്‍മ്മയെത്തി
മോഹമെന്‍റേതുമാത്രമാകാന്‍
മോഹമായ്തന്നെ ഞാനിരിക്കും....
...........അഭിലാഷ്..........
No comments:
Post a Comment