ഇവടെ രാത്രിപോലും വെളുത്തതാണ്, എറണാകുളത്തിന്‍റെ നഗരവീചികള്‍ക്ക് നിയോള്‍ ബള്‍ബുകളോടുള്ള പ്രണയം അതിപ്രസിദ്ധമാണ്. ആളൊഴിഞ്ഞ ബ്രോഡ്‌വേ ഒരത്ഭുതക്കാഴ്ചയും... മിഠായിമുക്കും ജുഹൂത്തെരുവും വിശാലകൊച്ചിയുടെ വിശാലമായ വിരിമാറാണ്... അതിലെ രോമകൂപങ്ങളായ് മുളവുകാടും മംഗളവനവും വെപ്പിന്‍ കരയും.... കണ്ണമാലിപ്പള്ളിയുടെ ഉമ്മറത്ത് കുന്തിരിക്കപ്പുകമണക്കുന്ന നൂറുനൂറോര്‍മ്മകളുണ്ട്.... അറബിക്കടലിനെ തഴുകിയെത്തുന്ന കാറ്റിന് കഞ്ചാവിന്‍റെ ലഹരിയിലാര്‍ന്ന കഥകള്‍ പറയാനുണ്ട്, മുനബം ഹാര്‍ബറിലടിഞ്ഞ ചെറുമത്സ്യക്കുരുതികളുടെ ചോരയുടെ മണമുള്ള ചാകരകളുടെ കഥപറയാനുണ്ട്. അബരചുബികളായ സൗഥങ്ങള്‍കേട്ട ഒട്ടനവിധി കാണാക്കനവുകളുടെ മനസ്സുമടുക്കുന്ന കഥനകഥകള്‍ പറയാനുണ്ട്. എന്നിരുന്നാലും ഈ നഗരാന്തരീക്ഷം , തിരക്കൊഴിഞ്ഞ അതിലെ അതിശയ നിമിഷങ്ങള്‍ ഇരുള്‍വീണ നടവഴികളിലേക്ക് നിലാവെട്ടമെഴുതിയിടുന്ന രാവിന്‍റെ ഭംഗി, അന്തിയിലും വിശപ്പടക്കാന്‍ കുഞ്ഞിക്കൂരയിലെ ചീനച്ചട്ടിയില്‍ വീണുകേഴുന്ന ദോശമാവ്‌... കാലിക്കട്ടന്‍ കാപ്പി, ജേസഫേട്ടന്‍റെ കടയിലെ മുളകു ബജ്ജി... എല്ലാം ഏറെ പ്രിയപ്പെട്ടതാണെനിക്ക്. ശരിയാണ് പിറന്ന നാടിന്‍റെ വശ്യഭംഗിയില്ല ഇവിടത്തിന്, തിരിഞ്ഞു നിന്ന് ഒരുചിരിതരാന്‍ മെനക്കെടുന്ന മനസ്സുള്ള ജനജീവിതങ്ങളില്ല , എങ്കിലും ഇഷ്ടമാണെനിക്ക്... എറണാകുളം അനുഗ്രഹീതമാണ്... എല്ലാ അര്‍ത്ഥത്തിലും.... തെന്നിമാറിയാല്‍ തെക്ക് അളവില്ലാ ജലവുമായി കുട്ടനാടിന്‍റെ കായല്‍പ്പരപ്പുണ്ട്... അഷ്ടമുടിക്കായലിന്‍റെ വിരിമാറുകീറി തുഴയെറിഞ്ഞ വള്ളംകളികളിലെ ഹര്‍ഷാരവങ്ങളുണ്ട്. പൊക്കാളി പാടങ്ങളിലെ കൊയ്ത്തുപാട്ടിന്‍ കരകയറി നൂറുമേനിയുടെ മനസ്സുനിറക്കും ചിത്രങ്ങളുണ്ട്. പടിഞ്ഞാറ് അറബിക്കടലിന്‍റെ റാണി അറിഞ്ഞു നല്‍കിയ സായാഹ്നസൗന്തര്യ ദൃശ്യമുണ്ട്. വടക്ക് വടക്കും നാഥന്‍റെ മണ്ണ്, തൃശൂരെന്ന വര്‍ണ്ണലോകം , കോടനാടിന്‍റെ ആനക്കബം... പാലക്കാടിന്‍റെ ദൃശ്യഭംഗിയിലേക്ക് വാതില്‍ തുറക്കുന്ന താമരശ്ശേരി ആ ചുരമിറങ്ങിയുള്ള യാത്രകള്‍ കൊച്ചിലക്ഷ്യമാക്കി എത്രതവണ. കിഴക്ക് അരുണന്‍റെ വെള്ളിമേഖങ്ങളിലേക്ക് ഉടലറിഞ്ഞു മനമെറിഞ്ഞ അംബരചുബികള്‍ക്കുമപ്പുറം ദൃശ്യാവിഷ്ക്കാരത്തിന്‍റെ അനന്തലോകം.... കുറവനും കുറുത്തിയും മലകളായ് ഉയര്‍ന്നു നില്‍ക്കുന്നതുകാണാന്‍ ഭംഗിയേറയാണ്... പ്രണയം നിറഞ്ഞ നിമിഷങ്ങള്‍ക്ക് എത്രചായം പകര്‍ന്നതാണ് മൂന്നാറിലെ മുക്കോടിചായത്തോപ്പുകള്‍. എല്ലാം കൊച്ചിയില്‍ നിന്ന് കൈതൊടാനെളുപ്പം. ഇഷ്ടമാണെനിക്ക് ഈ നഗര സൗന്തര്യം നാലുപാടുമെന്‍റെ കേരളം...! ശരിക്കും ഞാനൊരുതുരുത്തിലെന്ന പോലെ തോന്നും. ഡിസംബറിന്‍റെ കൈയ്യിലേറി എത്തുന്ന കാര്‍ണിവല്ലിന്ന് നാളേറെയില്ല.. മണ്ണാറശാലകണ്ടു തൊഴുത പുണ്യം വന്നുപേൊയി നാളതികമായില്ല. കോതമംഗലം വലിയപള്ളിപ്പെരുന്നാളിനു തിന്ന കടലമുട്ടായിയുടെ രുചിയും, ഒക്കെ കൊച്ചിയില്‍ നിന്നാല്‍ നിസ്സാരമായ് കൈയ്യെത്തിപ്പിടിക്കാം. അഷടമിതൊഴാന്‍ കൈകളുയര്‍ത്താനും ഉത്രാളിയിലുത്സവം കൂടാനും നാളുകള്‍ ഇനി ഏറെയില്ല... ഈ നഗരസീമയില്‍ ഞാന്‍ സന്തുഷ്ടനായ കൈക്കുഞ്ഞാണ്. പ്രണയമാണ് എനിക്കീ സുന്തര തീരത്തിനോട്.. അറബിക്കടലിന്‍റെ റാണിയോട് എന്‍റെ പ്രിയ കൊച്ചിയോട്... ഇവിടുത്തെ നനുത്ത സായന്തനങ്ങളോട്.....
..........അഭിലാഷ്........
No comments:
Post a Comment