നാള്‍വഴികള്‍ നാളുകള്‍ പിന്നില്‍ മറയ്ക്കുബോ-
ളോര്‍മ്മയില്‍ നോവു നിറയുന്നു
നാളിതുവരെയെന്‍റെ നയനങ്ങള്‍ കണ്ടതും
വാരിയകലേക്കു മറയുന്നു...
ഓര്‍മ്മകള്‍ ഓമനകള്‍ എന്നിലെ ചിരിയതും
ഓടിയകലുന്നു കണ്‍മുന്നില്‍
ഞാനിന്നു കരയുന്നു നീര്‍മ്മണികള്‍ ഉടയുന്നു
മണ്ണില്‍ മണമായി നിറയുന്നു
നാള്‍വഴിയിലെങ്ങോ നോവുമുളപൊട്ടി
എന്‍ കണ്ണുനീരിന്‍ തണുപ്പാല്‍
ആര്‍ത്തുവളരുന്നതുമെന്നെവരിയുന്നു
ശ്വാസനാളങ്ങള്‍ ചിതറുന്നു...
ഓര്‍ത്തു ഞാന്‍ ഒന്നെന്‍റെ മാനസ്സപ്പൊയ്കയില്‍
നീന്തുമരയന്നമാം ഭൂതം
നേര്‍ത്ത കണ്‍ചിമ്മലാല്‍ നയനങ്ങള്‍
വന്നെന്‍റെ കാഴ്ചയും കൊണ്ടുമറകൊള്‍കേ....
ആര്‍ത്തലച്ചെത്തുന്നു കണ്ണീര്‍ മഴമണി
നോവിന്നു പുതുജീവനേകാന്‍
ഓര്‍മ്മകള്‍ അകലന്നു ഓടിവള്ളങ്ങളായ്
ഉള്‍പായല്‍ മറകൊണ്ടു മറയുന്നു...
ഓര്‍മ്മവഴി മെല്ലയൊന്നൊറ്റക്ക് പിന്നോട്ട്
കാല്‍കള്‍ വിറകൊണ്ടു നടകൊള്‍കെ
ഓലയിലമേഞ്ഞൊരാ
മണ്‍കുടിലതിന്‍ മുന്നില്‍
ഓടിനടകൊള്ളുന്നു ബാല്യം
കാലിലണിയുന്നൊരാ കാല്‍ക്കൊലുസിലലിയുന്ന
നാഥമണി ഞാനേറ്റു വാങ്ങേ....
കണ്ണുകളിലശ്രുക്കള്‍ കുഞ്ഞുമനചിത്രങ്ങള്‍
ഉള്ളിലൊരുകുന്നു നോവലകള്‍
നാള്‍വഴികളറിയാതെ എന്നെയും തേളേറ്റി
രാവിലൂടധിവേഗമൊഴുകേ...
രൂപങ്ങള്‍ മാറുന്നു ഉടലോ ചുളുങ്ങുന്നു
ജീവന്‍റെ പാതയകലുന്നു...
മാറ്റമെന്‍ മേല്‍ചുണ്ടിലേക്കു ചായിക്കുമാ
വെള്ളിനൂല്‍ രോമങ്ങളത്രേ....
നേര്‍ത്തവിറയറിയുന്ന കൈകളാല്‍
തടവിഞാന്‍ ഓര്‍ത്തു നെടുവീര്‍പ്പു പൊഴിയുന്നു.
നാള്‍വഴികള്‍ ഏല്‍പ്പിച്ച നാലുദിന ജീവിതം
ബാക്കിയെന്നറിയുന്ന നേരം
നെഞ്ചുപിടയുന്നെന്‍റെ ചുണ്ടുവരളുന്നു
ശ്വാസനിശ്വാസമതിവേഗം...
കൊണ്ടുപോകാമെന്നെ ചന്തമൊരുലോകത്ത്
കള്ളമതുമോതിയവനെത്തി
വയ്യെനിക്കെന്‍റെയീ സുന്ദരജീവിതം
വിട്ടകലുവാനാകയില്ല...
ഒരുമാത്രനിന്നെയും തോളില്‍ച്ചുമന്നിടാം
ഓര്‍മ്മവഴി ഒന്നിച്ചു നീങ്ങാം
എന്തിനീപ്പിടിവാശി എന്നെന്‍റെ കാതിലവന്‍
എത്രയോമൂളിപ്പറഞ്ഞു...
ഓര്‍മ്മവഴിയൊന്നിച്ചു തോളേറി ഞാന്‍ കണ്ടു
അവനൊത്തു ദൂരെമറകൊള്ളും വരേയ്ക്കും
ഒരുമാത്ര കണ്‍ചിമ്മി നോക്കുന്ന നേരത്ത്
മറയുന്നു നാള്‍വഴിയും ഇരുളില്‍
ഒരു പുകച്ചുരുളായെന്നുടലും....
..........അഭിലാഷ്.........
No comments:
Post a Comment